-طبعا بأيد البرادعي..البلد....والحالة...والناس تعبانة...والمستشفيات....والعالم-يعني انت معاه؟
-طبعا
-انت عندك بطاقة انتخابية؟
-احم..الحقيقة لأ..أنا مبروحش أنتخب أساسا
الاجابة اتكررت 100 مرة تقريبا، بل ان بعض وجوه المثقفين والمفكرين البارزة والتي التفت حوله باخلاص معندهاش بطاقة انتخابية برضه، وعمرهم ما شاركو في انتخابات قبل كدة بطبيعة الحال
مما أعاد لذهني بسرعة وتلقائية صورة سيدنا الحسين شهيدا..لما أهل العراق سخنوه، ومات لوحده، مع قلة من المؤمنين بفكرته ..
أنا مؤمنة بفكرتك..لكن عشان أعمل تغيير..لازم أغير من اسفل مش من أعلي يا سيدي
الفارس الذي ناداه الناس ، فقام راكبا جواده مسرعا وفي ذهنه أحلام التغييرأنا مؤمنة بفكرتك..لكن عشان أعمل تغيير..لازم أغير من اسفل مش من أعلي يا سيدي
الدستور حبر علي ورق لن يفيد الا نظاما حاكما بالحديد لاستخراج شرعية كاذبة من خلاله..لو غيرته والناس هي هي محدش حينتبه أصلا
أما عقول الناس وأفكارهم وأحلامهم ووعيهم هو ما يشكل الفارق
لو راهنت علي الناس الآن..انهزمت لامحالة
أعدّ الناس أولا..علمهم أولا..شكل عقليات محترمة باختلاف اتجاهاتها الفكرية أولا..وبعد كدة الناس هي اللي حتغير..بعد كدة تقدر تراهن عليهم..مش قبل
العجيب..أن حملة التأييد تحمل الشعار"البرادعي رئيسا"..يبقي أتشائملك أنا والا لأ
هناك ١٣ تعليقًا:
لا أظن ان مبارك سيغادر كرسي الرئاسة الا و هو محمول على نعشه بعد ان يكتب وصيه يوصي بها لولده بكل تركاته المالية و السياسية.
فيه روايه لجارثيا ماركيز
اسمها خريف البطريرك كل مافكر فى حالتنا أفتكر الروايه دى
وازاي هتغيري الناس
في وسط ناس بتقول
بأن هذا البتاع جاب الخراب مشمول
وانه حتة بتاع جاهل غبي مخبول
..
..
ط
البوست ده مهم اوي ... هانشره علي صفحتي في الفيسبووك بعد اذنك
توفيق البوركي
أختلف معك، وأظن أن أشياء كثيرة تحت السطح في سبيلها للطفو بمجرد أن يقضي الله أمرا كان مفعولا..ربنا يستر
أبو أحمد العزيز
أتمني أن أقرأ هذه الرواية قريبا
كل التحية
لا حرمني الله من وجودك
ط
الكلام دة قديم قوي يا بني
دة احنا بنشحت أيام البتاع دة دلوقتي
انهاردة فيه بتوع كتير وهي دي المشكلة
مدونتك ساكتة ليه؟
karakib
أذنت
اتفضل طبعا بس ياريت أعرف أشوف صفحتك علي هذا العدو المسمي فيس بوك
لازم يتعلموا مايخافوش ..
الشجاعة اول الطريق الصحيح ..
لازم يحصل اعداد حقيقي للناس و لازم يكون في وعي حقيقي عندهم .
صح تمام يا شيماء
عندك بطاقة انتخابية بقي!
يا دين النبي!!!
إرسال تعليق