شوهالبرد!!!!!

عارنا الأكبر

بين كل الذكريات المريرة ..تبقي هذه ..

المرارة الأكبر،لجيل الذل العربي

يا سيدي..الآن أذكرك

فلتذكرونى عندما تغدو الحقيقة وحدها
حيرى حزينة
فإذا بأسوار المدينة لا تصون حمى المدينة
لكنها تحمى الأمير و أهله و التابعينه
فلتذكرونى عندما تجد الفضائل نفسها
أضحت غريبة
و إذا الرذائل أصبحت هى وحدها الفضلى الحبيبة
و إذا حُكِمتم من قصور الغانيات
و من مقاصير الجوارى
و إذا غدا أمراؤكم كالمحظيات
و إن تحكمت السرارى
فأذكرونى
فلتذكرونى حين تختلط الشجاعة بالحماقة
و إذا المنافع و المكاسب صرن ميزان الصداقة
و إذا غدا النبل الأبىّ هو البلاهة
و بلاغة الفصحاء تقهرها الفكاهة
و الحق فى الأسمال مشلول الخطى حذر السيوف !
فلتذكرونى حين يختلط المزيف بالشريف
فلتذكرونى حين تشتبه الحقيقة بالخيال
و إذا غدا جُبن الخنوع علامة الرجل الحصيف
و إذا غدا البهتان و التزييف و الكذب المجلجل هن آيات النجاح
فلتذكرونى فى الدموع
فلتذكرونى حين يستقوى الوضيع
فلتذكرونى حين تغشى الدينَ صيحاتُ البطون
و إذا تحكم فاسقوكم فى مصير المؤمنين
و إذا اختفى صدح البلابل فى حياتكم ليرتفع النباح
و إذا طغى قرع الكئوس على النواح
و تلجلج الحق الصراح
فلتذكرونى
و إذا النفير الرائع العزّاف أطلق فى المراعى الخضر صيحات العداء
و إذا اختفى نغم الإخاء
و إذا شكا الفقراء و اكتظت جيوب الأغنياء
فلتذكرونى
فلتذكرونى عندما يُفتِى الجهول
و حين يستخزى العليم
و عندما يهن الحكيم
و حين يستعلى الذليل
و إذا تبقى فوق مائدة امرئ ما لا يريد من الطعام
و إذا اللسان أذاع ما يأبى الضمير من الكلام
فلتذكرونى
فلتذكرونى إن رأيتم حاكميكم يكذبون
و يغدرون و يفتكون
و الأقوياء ينافقون
و القائمين على مصالحكم يهابون القوىّ
و لا يراعون الضعيف
و الصامدين من الرجال غدوا كأشباه الرجال
و إذا انحنى الرجل الأبىّ
و إذا رأيتم فاضلً منكم يؤاخذ عند حاكمكم بقوله
و إذا خشيتم أن يقول الحق منكم واحد فى صحبه أو بين أهله
فلتذكرونى
و إذا غُزيتم فى بلادكم و أنتم تنظرون
و إذا اطمأن الغاصبون بأرضكم و شبابكم يتماجنون
فلتذكرونى
فلتذكرونى عند هذا كله و لتنهضوا باسم الحياة
كى ترفعوا علم الحقيقة و العدالة
فلتذكروا ثأرى العظيم لتأخذوه من الطغاة
و بذاك تنتصر الحياة
فإذا سكتم بعد ذاك على الخديعة و ارتضى الانسان ذله
فأنا سأ ذبَح من جديد
و أظل أقتَل من جديد
و أظل أقتل كل يوم ألف قِتلة
سأظل أقتل كلما سكت الغيور و كلما أغفا الصبور
سأظل أقتل كلما رغمت أنوف فى المذلة
و يظل يحكمكم يزيدٌ ما .. و يفعل ما يريد
وولاته يستعبدونكم و هم شر العبيد
و يظل يلعنكم و إن طال المدى جرح الشهيد
لأنكم لم تدركوا ثار الشهيد
فأدركوا ثأر الشهيد ،،

-----------------------------------

الحسين شهيدا- عبد الرحمن الشرقاوي

أولئك العظام

هكذا أراهم..وأتمني لو تمكنت يوما من الجلوس تحت قدمي كل عظيم منهم؛ لأسمع حكاياته وأحفظها بقلبي؛ فأستعيدها،وأستعيدها ، وأستعيدها

مساحة من العشق..

.

مش كل شيء بيفوت ف عمرنا بيجرح

والله لسة بدري

نفسي ف حاجة

نفسي أسمع أغنية من أغاني رمضان بس مش عاوزة انزلها من ع النت وأسمعها..لأ عاوزة أسمعها علي التليفزيون مصحوبة بالصور بتاعة بيع الكنافة والعيال اللي بتلعب بالفوانيس والزينة ف الشوارع، عاوزة اسمعها ع القناة الأولي أيام ما كانت يادوب بتحط رقم 1 علي يمين الشاشة من فوق وممكن علشان رمضان تدلع الواحد دة شوية..نفسي آخد من ماما جنيه ونص وانزل أشتريلي فانوس بشمعه من اللي شكله حلو وملون أو أستني لما بابا يجيبلنا فوانيس بلمبة لكل واحد لونه المفضل
نفسي قوي اطلع العب فوق السطوح مع أخويا عشان نسلي صيامنا ونرفض نفطر علي العصر ونصر نستني الفطار مع الكبار..بجد نفسي أرجع أقصقص الورق علي انه اقراص طعمية وأدور علي حاجة تنفع نخبط بيها زي بتاع العرقسوس ونفسي ننزل ع الفطار نفطر علي آدان الراديو لأن التليفزيون واخد استراحة لحد ما نفطر..نمد ايدنا أول ما الراجل يقول مدفع الافطاااار..اضرب، وبابا يقولنا:ششش..استنوا لما يدن، وتبقي لحظات عذاب لحد ما يدن، فنفاجأ بيه بيقولنا :ششش استنوا لما يتشاهد والراجل بيقول كلام كتير قبل ما يتشاهد وبيقف ف النص
حقيقي نفسي أفطر علي اغنية مرحب شهر الصوم وطعم الخشاف اللي مخلوطين ببعض خليط غريب جدا، ونفسي بعد الفطار اقعد ألعب بالفانوس ف البيت لاني مكسوفة انزل العب ف الشارع ونفسي أقعد أتفرج علي بوجي وطمطم القديمة وأضطر انام شوية بعد المغرب عشان كل البيت نايم شوية وأصحي علي صوت بابا بيصلي بالبقرة وتشدني للمرة الألف حكاية موسي مع قومه والبقرة ونفسي قوي ألاقي ليالي الحلمية بتبدأ ومنين بييجي الشجن، من اختلاف الزمن فادخل اصحي ستي وأقولها : قومي ليالي الحلمية جت وأقعد أفكر ف العنوان اللي بيقشعر جسمي من غير سبب
ونفسي نتلم تاني واحنا بنتفرج علي ألف ليلة وليلة ونندهش للتكنوولوجيا العجيبة ونسأل كل دقيقة :بابا هو بيطير بجد؟ فيقولنا : تؤ..دي خدع سينمائية..بابا هو بيطبق ايده عليها؟..تؤ دي خدع سينمائية وبعدين نسمع التراويح من الجامع فنجري نتفرج علي المدنة اللي بتخضر ف رمضان و اللي بينا وبينها مفيش واسم الله اللي بالاخضر يادوب عارفينه قريب
نفسي قوي ف قعدتنا لحد السحور مش عاوزين ننام ومصرين نصحي البيت كله لما المسحراتي يعدي لأن انهاردة بقي أكيد لازم نشوف المسحراتي ونفسي أسمع مسحراتي الشارع ومسحراتي التليفزيون الكفيف اللي أحلي من اي مسحراتي وهو بيدق ع الطبلة وكل شبر وحتة من بلدي حتة من كبدي حتة م الموال
ونقوم نصحي الكل ونتسحر سوا وبرضه طعم الفول بالزبدة وريحته مخلوطة خليط عجيب جدا بالتواشيح ف الراديو لأن التليفزيون شطب خلاص وبعدها ندخل لستي مهدودين تعب ونسألها اي سؤال عشان تجاوبنا عليه بدرس طويل يساعدنا ننام ويساعدها تحس بقيمتها
نفسي قوي ف رمضان زمان اللي كان ليه لون و طعم وريحة ..كل عنصر ف دول معجون بذكريات حلوة كتير، قبل ما أطول عن اني اشب من البلكونة وأعرف أشوف المسحراتي بكل سهولة والشقة اللي فوق تبطل تبقي سطوح لما أخويا يبنيها ويتجوز فيها ..ويبلع النت وقتي بين الفطار والسحور وتتبني العمارة الكبيرة قدام بيتنا فمنعرفش نشوف المدنة اللي بتخضر ف رمضان وقبل ما ستي تروّح وبعدها ماما وقبل بابا ما يبطل يصلي ويصوم بالكاد ويبطل يقرا قرآن وأسمع البقرة من أصوات تانية أحلي وأكون فاهمة الحكاية أكتر وقبل سيد مكاوي ما يمشي ويمشي معاه حداد وقبل ما القناة الاولي تبقي مش بتيجي عندنا عشان الفضائيات مغرقة الدنيا والمسلسلات فوق بعضها مش عارفة مين عمل ايه ومنسمعش من أغاني رمضان غير تناتيف من اعلانات الكول تون..وقبل ما الريحة تختفي واللون يبهت والطعم يمسخ
نفسي ف حاجة من رمضان زمان..وبسأل كل سنة يا تري دة زمان بتاعنا احنا بس، ويا تري صغيرين دلوقتي بيحسوا بجمال العناصر اللي احنا شايفينها بايخة ومستحدثة ولما يبقي عندهم 29 سنة حيحنوا للايام الغريبة دي والا كل حاجة كانت جميلة بجد ومسخت وهم كمان لا حاسين بجمال ولا بدفا ولا بود..نفسي ف رمضان زمان ..وسبحان من له الدوام

علي قيد الحلم

صحوت من هذا الحلم، وعلي شفتي ابتسامة حياة..مازلت علي قيد الحلم اذن..

ومازالت الحياة تراودني من حين لآخر

انه جو..رغم كل شيء

---------------------


----------------------

فيه ايه بقي

ف مكتبة مبارك وأنا بحب المكان دة بجد..وف عز ما أنا مشغولة بسي دي برة الشبابيك، قرب مني وكنت لمحته قبل شوية عند قسم علم النفس ..لمحته مرتبك؛ فشلت السماعات وبصيتله بتساؤل
:- ازي حضرتك
:- أهلا وسهلا
:-محمود..... ليسانس حقوق
:- أهلا يافندم تشرفنا..اتفضل
:-هو حضرتك عضوة بالمكتبة من زمان
:-أيوة..أي خدمة!
:- أأ..ممكن أطلب من حضرتك طلب
:- طبعا يا فندم اؤمر
:-ممكن أمسك ايدك
:- ..........

هو الحقيقة أنا مت م الضحك..هيستيريا يمكن..مكنتش عارفة أوقف نفسي وأرد عليه..هو أنا كان ممكن أستجيب لطلبه وأخلليه يمسكها ، بس للأسف مكانتش فاضية، كان فيها الجزء العاشر من الأعمال الكاملة لنجيب وهو كتاب وزنه تقريبا سبعة طن..وخطرلي اني لو اديته علي نافوخه بيه حيتأثر قوي الحقيقة
حاولت أبطل ضحك لاحسن أتفهم غلط وقلتله، لأنه بجد كان مستني اجابة
:- شوف يا بني..الطلب دة ممكن تطلبه من أي بنت ف اي حتة ف الدنيا الا هنا..هنا بنات مكتبات يا بني ..ممكن بجد تحط نفسك ف مشكلة ..أنت غشيم ومن واجبي أنصحك
ونزلت وانا هلكانة ضحك..طلعت الشارع وأنا هلكانة ضحك..وخطرلي ان حتي الأوغاد دلوقتي مستعجلين ومش عندهم وقت يخططوا صح واترحمت علي استيفان روستي الحقيقة
لكن وانا واقفة عشان أركب قصاد المكتبة..اكتشفت ان أنا اللي غشيمة ..لمحته خارج م الباب، وايده ف ايد بنت ..
ولما عدي الاتوبيس قدامي، لقيته قاعد فيه، وبيمسك ايد بنت..ولما ركبت الميكروباص..لقيته ف الكرسي اللي قدامي، بيوشوش البنت اللي جنبه وعاوز يمسك ايدها..وكان واقف ف نفس الوقت قدام الجامعة بيحاول يمسك ايد بنت..وقدام الجنينة، وف مركب ع النيل..بل ممكن أحلف اني شفته تحت بير السلم بيلاعب بنت الجيران أم ست سنين وعاوز يمسك ايدها..فجأة الضحك انقلب خوف والخوف انقلب رعب..هو فيه ايه
فيه ايه بجد

صديقتي..

ملائكية الشعور..مرهقة الابتسامة والاحلام ، عميقة الأفكار..

هو لن يحبك..هو..لن يحب..

ذلك الفتي متضخم العقل ، مرهق الابتسامة والأحلام ، عميق الأفكار..

لن يحبك..لن يحب..

فارضي..واستريحي

ولديّ أقوال أخري

أعترف أنني قد انتقمت فيك من رجال آخرين..أوغاد آخرين..حمقي آخرين..مدعون..أباطرة

أعترف

لكنني، أوقن، قد انتقمت في نفسي من نساء أخريات..خانعات أخريات..مكسورات،مأجورات..جاريات أخريات

أعترف..أنني ارتكبت جريمة عدم الاكتراث.. وأنني أبدا لم أهتم

حين تستيقظ سعيدا بلا سبب..لا يوجد ما يقلق بالك..تتجاهل المضايقات اليومية الصغيرة..تشعر أن الأمور علي ما يرام، وأن كل ما هو سيء في هذه الدنيا سيتحسن غدا..لا يضايقك حر ولا عرق ولا زحام..تفكر بنعومة وتتكلم بنعومة وتبتسم بنعومة..تطور رؤيتك لنفسك وللناس..
لحظتها يتوجب عليك أن تعرف أن هناك شيئا من اثنين يحدث لك:
-أنك تحب وتحب
-أو أنك علي وشك الرحيل

هدية الوهابية للمرأة ..في عيدها

كنت ومازلت أتساءل بذعر: أية جنة تلك، التي يدعوننا اليها!!

لك الله يا أمتي..أي خطر أشد عليك من نفسك