للمرة ال........الكتييييييييير قوي، برجع للديوان دة
وللمرة ال.....الكتير قوي وواحد، بتوقفني القصيدة دي
بتمس احساسي، وبتلمس كائن حي جوايا..تفتكر يا
صاحبي..من سمات الابداع اللي بجد، انه يكون نهريّ الطعم، بحريّ التأثير!!
كل ما تشرب،ترتوي..كل ما تشرب، تتلسوع، كل ما تاخد منه،يزيد!!
كل ما تزوره،تـ(كتشفه)!!00
مش حعرف أنطق بكلمة عن الحالة، لأن القصيدة بتقول كل حاجة
البوست دة هو القصيدة..بس في رحاب القصيدة،قد ايه احلام خبطت علينا،
!!وخوفنا نفتح/كسلنا/استغبينا
بستأذن صديقي الشاعر،يشرف مدونتي بنشر القصيدة
اسمع يا سيدي
كإن الحلم بيخبط على بابك
مخالف كل أعراف الحياة
مخالف للقيود اللابده جوا الآه
وعارف إن كل الحسن قدامك
فخايف ليه تمد اليد تتلقاه
****
كإن الحلم محبوبك بتتمناه
قمر واقف على الشباك بتترجاه
تفضفضله وتشكيله من القسوة
فيسمعلك ويتمايل بحنية
فتنسى الهم .. تتمايل من النشوة
فخايف ليه تمد اليد تتلقاه
****
كإن الخية منصوبة ف أفكارك
بترفض حلم متعلق ف وجدانك
كإنك طفل بيتهته حروف الحلم
يجييك الحلم...عصفورة بتصطادك !؟؟!!
وبرضه تلطخ الأحلام بطين العلم
****
صبحت سجين لأفكارك ؟؟!!
صبحت سجين لهذا الوعي بيهدك
وللأفكار بتتلائم عليك وتحل في جسمك
برغم الحلم بيلالي
كأنوار الفرح واقفة
وبتودع بواقي الهم
****
فلو هاتحل وجدانك من الأحلام
فلازم تشتري دماغين على دماغك
وتستحمل صداع الفكر
ولو هاتحل وجدانك من الأحلام
ليه بتلملم حروف الكلمة من إعلان
بيتعلق ف عرض الحلم
****
حروف الكلمة مدهونه بسمن الحلم
فيا تلحق وتاكلها
ياييجي الصبح تفقدها فحر الوعي
وتنساها
***
ولسة الحلم بيخبط على بابك
مخالف كل أعراف الحياة
مخالف للقيود اللابده جوا الآه
وشايفه عنيك زهور الحلم قدامك
فخايف ليه تمد اليد تتلقاه
أحمد الحضري-ديوانه الأول
اقفل عليك الحلم
هناك ٤ تعليقات:
حلوة القصيدة
رغم انى فلت منها فى اوقات كتيرة
ودا على القصيدة طبعا لأنها مااقدرتش تشدنى باستمرار
عموما كويس
تحياتى
oh, god
what awonderful poem,
thanks for my feeling
thanks to your poet
عزيز(ت)ـي عين ضيقة
اشكر لك تواجدك، رغم انني أختلف معك في مسألة "ودة علي القصيدة طبعا لانها مقدرتش تشدني باستمرار" فهناك عوامل اخري بالتاكيد تؤثر علي تلقيك للعمل المقروء بخلاف الجودة او الجاذبية..لكن علي كل انا سعيدة بوجودك وآمل أن نتواصل
العزيز/ة مجهول
سعيدة باعجابك ولا شكر علي واجب
هذا البوست هو المقدمة التي قدمت بها القصيدة ...
الصديقة هناء .. أشكرك بشدة ...
شكر بجد مش رسالة مسجلة :)
إرسال تعليق